Eng nährstoffräich Beikost fir däi Bëbee.
Ech begleeden dech.

Ganzheetlech. Evidenzbaséiert. Ouni Drock.

Maxi Pesch
  • Nährstoffräich starten: Wat däi Bëbee wierklech brauch.
  • Sécher duerch Allergenen: Kloer Struktur ouni Angscht.
  • Ganzheetlech begleed Net nëmmen den Teller — och Haut & Bauch
Ech wëll sécher starten (oder DM "BEIKOST" fir de gratis Guide)

D’Erausfuerderung

Erkenns du dech hei erëm?

D’Probleemer
  • Du hues Angscht virum Verschlécken / Gierksen.
  • Du bass onsécher: BLW oder Brei?
  • Du weess net, wat "gutt" Start-Iessen ass.
  • Däi Puppelchen spillt just oder ësst wéineg.
  • Du kriss 100 Tipps, mee keen Plang fir däin Alldag.
  • Däi Bëbee huet Ekzema an du spiers, datt et net just ëm d’Haut geet.
  • Du bass onsécher, wéi s du Allergenen sécher aféiere kanns.
  • Zanter Beikost-Start: Verstopfung, an du weess net wat hëlleft.
Hei geet et hin:
  • Du fills dech sécher beim Ufänken (Setting, Texturen, Basics).
  • Du hues kloer Iddien, wat's de ubidde kanns (nährstoffräich & einfach).
  • Du hues eng Struktur, déi fir är Famill passt.
  • Däi Puppelchen dierf baby-led entdecken, ouni Drock.
  • Du bass net eleng. Du kriss Feedback & Upassungen, wann et hakt.
  • Du verstees d'Zesummenhäng a weess, wou s du ufänke kanns.
  • Du féiers Allergene sécher an a weess genee, wéi s du virgoe solls.
  • D’Verdauung vun dengem Bëbee kënnt erëm an d’Gläichgewiicht, an hie fillt sech méi wuel.
Kuck d'Begleedung un

Meng Begleedung

Wat kriss de?

4 Wochen Beikost-Begleedung (1:1)

Fir datt aus Theorie och Alldaag gëtt

Och bei Ekzema, Allergien oder Verstopfung, ech kucken dat ganzt Bild.

  • Intake-Formulaire + Start-Gespréich: Readiness, Sécherheet, Setup + Ziler
  • Dei Beikost-Plang: Struktur, Rhythmus, Iddien (BLW/Brei/Mix)
  • Nährstoff-Strategie: Eisen, Proteine, gutt Fetter + opbauend Real Food
  • Support tëschenduerch: WhatsApp/Voice + Feedback, wann et hakt a Froen am Alldag kommen
  • Nächst Schrëtt
Du fills dech sécher, an däi Bëbee kritt wat e brauch.
650€
Schreif mir op WhatsApp Oder DM "BEIKOST" op Instagram
1:1 Beikost Analyse

De richtege Start fir däi Bëbee.

Fir Elteren déi virum Beikost-Start stinn: wéini ufänken, mat wat, a wéi.

  • Intake-Formulaire virum Call: ech bereed mech op iech vir
  • 60 min 1:1 Call: Readiness, Sécherheet, éischt Schrëtt a Nährstoffer
  • Beikost-Starter Guide: alles wat s du brauchs fir den Ufank
  • Wann s du heno méi wëlls: Upgrade op 4 Wochen, d'Analyse gëtt ugerechent.
  • Och bei Ekzema, Allergien oder Verdauung
Du weess ob däi Bëbee prett ass, wat op den Teller kënnt, a wéi dir ufänkt.
190€
Schreif mir op WhatsApp DM "BEIKOST" op Instagram

De Wee

Wéi leeft et oof?

1
Erziel mir vu dir

Eng kuerz Noriicht op WhatsApp oder Instagram. Wat beschäftegt dech? Wou stitt dir grad?

2
Ech lauschteren no

Ech kucke mat dir zesummen wat dir braucht an ob eng Analyse oder eng 4-Woche Begleedung besser passt.

3
Mir starten

Du kriss en individuellen Plang a bei der Begleedung sinn ech do, bis et klappt.

Meng Wäerter

Meng Philosophie

1
Nähren = méi wéi saat maachen.

Gutt Fetter, bioverfügbaart Eisen, Proteinen a fermentéiert Liewensmëttel. Beikost ergänzt d’Mëllech mat genau deene Bausteng, déi Gehir, Immunsystem an Darmflora elo am meeschte brauchen.

2
Richteg Liewensmëttel

Iessen, dat een erkennt. Nährstoffräich, wéineg veraarbecht an ouni onnéidegen Zocker. Net Babyfood aus dem Glas, mee richtegt Iessen aus der Familljekichen. Ugepasst un déi Kleng.

3
Goût vun Ufank un

Net just séiss. Och sauer, batter, aromatesch a salzeg hunn hir Platz. Kräider, Gewierzer a fermentéiert Liewensmëttel erweideren de Palais a kënnen hëllefen, spéider Pickiness ze reduzéieren.

4
Darmgesondheet als Basis

D’Darmgesondheet spillt eng zentral Roll fir d’Verdauung, d’Nährstoffopnam an d’Entwécklung vum Immunsystem. Besonnesch bei Ekzema, Allergien a Verstopfung lount et sech, de Bauch ëmmer mat am Bléck ze hunn.

5
D’Kand bestëmmt

Net d’Method – BLW, Brei oder eng Kombinatioun – mécht den Ënnerscheed, mee d’Haltung dohannert. D’Kand bestëmmt Tempo, Quantitéit a Rhythmus. Ech begleeden Iech dobäi, dëst mat Rou a Vertrauen ëmzesetzen.

6
Iwwert den Tellerrand eraus

Beikost ass méi wéi Iessen. Et ass eng Zäit vu Verbindung, Vertrauen a Sécherheet um Dësch. Dës Erfarunge leeën d’Grondlag fir d’Bezéiung zum Iessen – e Liewe laang.

Maxi Pesch

Iwwer mech

Ech sinn d'Maxi Pesch.

Mamm vun zwee.

Viru 5 Joer ass meng Duechter op d'Welt komm. Si huet meng Perspektiv op de Liewen ufank komplett verännert an mir gewisen, wéi wichteg Bindung, Vertrauen an Intuitioun an den éischte Méint a Jore sinn.

Aus där Erfahrung eraus ass de Podcast 1000Deeg entstanen, eng Serie vun Interviewen iwwer méi wéi 50 Themen ronderëm déi éischt Liewensjoer, déi d'Fundament fir e ganzt Liewe leeën.

Viru 10 Méint ass mäi Bouf op d'Welt komm. Mat him ass nach eng aner Fro an den Zentrum geréckelt: wéi wichteg Iessen an Nährstoffer am éischte Liewensjoer fir d'Entwécklung vun engem Kand sinn. Sou sinn ech ëmmer méi beim Thema Beikost ukomm.

Haut verbannen ech dat alles: recherchéieren, informéieren a begleeden. Fir datt Elteren mat Rou, Vertrauen a Wëssen an dës wichteg Phase starte kënnen.

Baby Nutrition Consultant (Oh Baby!) Journalistin Podcast Label Impact Luxembourg | SIS
Lauschtert de Podcast 1000Deeg
Spotify Apple Podcasts

Wat si soen

Elteren iwwer hir Erfahrung

★★★★★

“„An enger entspaanter Atmosphär ass d’Maxi individuell op den Alter vu mengem Bébé a meng Kenntnisser agaangen. Et war net nëmme léierräich an interessant, mee et spiert een och dem Maxi seng Passioun fir säi Beruff an d’Wuel vun de Bébéen!“”

Anni, Mamm vum Charlène
★★★★★

“„An enger entspaanter Atmosphär ass d’Maxi individuell op den Alter vu mengem Bébé a meng Kenntnisser agaangen. Et war net nëmme léierräich an interessant, mee et spiert een och dem Maxi seng Passioun fir säi Beruff an d’Wuel vun de Bébéen!“”

Anni, Mamm vum Charlène

Nach Froen?

Fir Elteren, déi virum Beikost-Start stinn oder scho mëttendran sinn a sech eng individuell Orientéierung wënschen. Ob BLW, Brei oder eng Kombinatioun, ob Ekzema, Allergien oder Verstopfung am Raum stinn: ech passen d’Begleedung un iech an äre Bëbee un.
D’1:1 Analyse ass eng eenzel Sessioun, mat Intake virum Call an engem Guide duerno — ideal virum Beikost-Start. D’4-Woche-Begleedung leeft iwwer WhatsApp, mat individuelle Pläng, Feedback, Rezepter an Upassungen am Alldag.
Bei BLW ësst de Bëbee selwer mat den Hänn an a sengem Rythmus, bei Brei gëtt e gefiddert. Béides huet Virdeeler. Vill Famillje profitéiere vun engem Mix. Ech hëllefen dir erauszefannen, wat am beschte bei äre Bëbee an ären Alldag passt.
Déi meescht Recommandatioune leien ronderëm 6 Méint ofgeschloss — awer net nom Kalenner, mee no Readiness-Zeechen: däi Bëbee sëtzt stabil, weist Interessi um Iessen, an de Zonge-Reflex ass zeréckgaangen. An der 1:1 Analyse kucke mir dat zesummen am Detail.
Iesse soll Spaass maachen — mee et ass méi wéi dat. Bëbeeën hunn e klenge Mo an héich Nährstoffbesoinen. Dofir zielt all Happen fir Gehir, Immunsystem an Darmflora. Dat heescht awer net, datt däi Bëbee vun Ufank u vill iesse muss. Kucken, upaken, richen a schmaache si wichteg Schrëtt am Léierprozess. D’Mëllech bleift an där éischter Zäit nach d’Haaptnahrungsquell. Ech hëllefen dir ze verstoen, wat normal ass a wou Nährstoffer wierklech Prioritéit hunn.
Iwwer WhatsApp. Du kanns mir Froë, Fotoë, Videoen oder Voice-Noriichte schécken, an ech äntwere bannent 48 Stonnen, meeschtens méi séier. Sou kriss du Feedback genee dann, wann e gebraucht gëtt.
Nee. Et geet drëms, richteg Liewensmëttel einfach an den Alldag anzebauen. Dat kann och e gekachtent Ee, eng Avocado oder e Stéck gedämpfte Brokkoli sinn. Ech ginn dir praktesch Iddien, déi bei iech passen — ouni Stress an ouni Perfektiounsdrock.
Absolut — dat ass souguer ideal. D’1:1 Analyse ass speziell fir Eltere virum Start geduecht. Mir kucken op Readiness, Sécherheet, éischt Liewensmëttel an déi wichtegst Nährstoffer, sou datt s du preparéiert an zouversiichtlech an d’Beikost starte kanns.
Ekzema ass dacks méi wéi just en Hautproblem — et kann och mat Verdauung, Darmflora a Liewensmëttel zesummenhänken. Ech kucken ëmmer dat ganzt Bild a begleeden iech bei der Allergen-Aféierung an enger Ernärung, déi op äre Bëbee ofgestëmmt ass. Bei medizinesche Froen ass de Kannerdokter de richtegen Uspriechspartner — ech ergänzen dat mat enger ganzheetlecher Ernärungsbegleedung.
Ech kucken net nëmmen den Teller, mee och d’Nährstoffer, d’Haut, de Bauch, d’Entwécklung an d’Atmosphär um Dësch. Meng Approche ass ganzheetlech an evidenzbaséiert. An ech begleeden iech net just fir eng Stonn, mee — wann néideg — och iwwer Wochen duerch déi ganz Phase. 1000Deeg ass zertifiéiert als Société d'Impact Sociétal (SIS) mam Label Impact Luxembourg.

15 min gratis Call

Ruff mech un

Calendly Link nach net aginn.

Gitt de Calendly Link an ënner: WordPress Dashboard > 📅 Gratis Call > Calendly Link